Төрөл

Системийн програм хангамж

Системийн програм хангамжийн гол зорилго нь компьютерийн систем болон сүлжээний үйлдлийдийг дэмжиж, удирдах юм. Мөн техник хангамж, компьютерийн системийг ажиллуулах зориулалттай. Үүнд:

• төхөөрөмжийн драйвер
• үйлдийн систем
• сервер
• ютилит програм
• график орчны систем

Системийн програмууд дотроос хамгийн өргөн дэлгэрсэн чухал програм нь үйлдлийн систем(operating system) гэж нэрлэгддэг програмууд юм. Энэ програм нь компьютерийн аппаратын нөөцийг хуваарилан гараас өгсөн командыг уншиж хэрэглээний програмыг ажилд оруулж үр дүнг монитор дээр гарган шуурхай ба гадны санах ойг хуваарилаж байдаг.

Хэрэглээний програм хангамж

Хэрэглээний програм хангамж эцсийн хэрэглэгчдийн мэдээлэл боловсруулах ажлуудыг гүйцэтгэдэг. Ихэвчлэн тооцооллын ажлыг гүйцэтгэх зураг зурах,текстэн мэдээлэл боловсруулах, математик статистикийн бодлого бодох, файлтай ажиллах гэх зэрэг ажлуудыг хийдэг. Үүнд:

• мэдээлэл боловсруулах програм хангамж (текст боловсруулалт, хүснэгтэн мэдээлэл боловсруулалт, и-мэйл гэх мэт)
• мэдээлэлд хандах програм хангамж (вэб хөтөч, медиа тоглуулагч гэх мэт)
• энтертайнментийн програм хангамж (видео тоглоом гэх мэт)
• боловсролын програм хангамж
• бизнес, байгууллагын програм хангамж (тухайн бизнес, байгууллагад зориулагдаж бүтээсэн програмууд гэх мэт)
• симуляцийн програм хангамж
• медиа хөгжүүлэлт (компьютер график, дуу хөгжим засварлах гэх мэт)
• инженерчлэлийн програм хангамж (CAD гэх мэт)

Програмчлах програм хангамж

Энэ нь програмчлалд зориулагдсан мөн програмчлахад тус болох зориулалттай. Үүнд:

• компилятор, компайлер (хөрвүүлэгч)
• дебаггер (засварлагч, тохируулагч)
• интерпретер (тайлбарлагч, хэлмэрчлэгч)
• линкер (холбогч)
• текст засварлагч